Sara Hoxha dhe Ledion Liço kurorëzuan në martesë historinë e tyre të dashurisë buzë liqenit Como në Itali, me 11 gusht 2018. Një dasmë për të cilën pritëm shumë gjatë, për të parë disa imazhe nga festa e dashurisë, pasi Sara dhe Ledioni kishin vendosur një rregull strikt për të ftuarit: Jo foto!
Mirëpo më në fund, kurioziteti u shua nga vetë nusja! Ka qënë Sara, e cila mbrëmjen e sotme ka shpërndarë në profilin e saj në “Instagram”, momentin më kulminant të dasmës! Pikërisht, puthjen e parë si burrë dhe grua, përpara dëshmitarëve dhe të ftuarve. E veshur me fustanin e bardhë saten dhe vellon e gjatë, Sara hedh duart rreth qafës së bashkëshortit të saj Ledion Liço, teksa puthen plot pasion.
Disa momente më pas, Sara Hoxha shpërndan një tjetër foto nga ceremonia, krahas së cilës rrëfen se në 11 gusht, u mbajt dasma e saj e ëndrrave. Në foton e realizuar nga lart, shfaqet magjia e ndërtuar buzë liqenit Como. Një altar i bardhë dhe shumë minimalist i ndërtuar vetëm me disa lule përreth dhe pamjen e natyrës!
Në foton e bërë publike, shfaqet edhe motra e nuses, Lori Hoxha mes çiftit, e cila kishte marrë në dorëzim detyrën që të kurorëzonte si burrë dhe grua, Sarën dhe Ledionin.
