Tuna Sejdi mungoi për më shumë se dy vite në muzikë, pasi iu dedikua me kohë të plotë vogëlushit të saj, Tian, pas ardhjes së tij në jetë. Dhe menjëherë sapo përfundoi angazhimet me këngën e saj më të fundit të titulluar “Chonga”, Tuna po shijon pushimet buzë detit me familjen.
Këngëtarja ka postuar një imazh të ëmbël të djalit të saj Tian, i cili shfaqet shumë i lumtur duke luajtur në rënë. Mirëpo ajo që do t’ua ngrohë zemrën, pas kësaj foto të adhurueshme, janë fjalët që këngëtarja i dedikon vogëlushit të saj.
“Ama unë ty të du më shumë se veten” – shkruan Tuna krahas fotos.
Tian erdhi në jetë një vit më parë, nga lidhja e Tunës me partnerin e saj Patris Berisha.
