Vijojnë të regjistrohen lëkundje tërmeti në qytetin e Korçës dhe në zonat përreth. Këto 24 orët e fundit, janë regjistruar me dhjetëra lëkundje tërmeti në juglindje të vendit, por edhe në kryeqytet.
Lëkundja e fundit dhe më e forta është regjistruar rreth orës 15:00 e së shtunës në zonat e Korçës.
Sipas Qendrës Europiane të Sizmologjisë, tërmeti është regjistruar në orën 15:01, me magnitudë 4.2. Epiqendra e tërmetit është regjistruar 17 kilometra në jug të Korçës.
Po ashtu disa lëkundje tërmeti janë ndjerë në Tiranë rreth orës 13:28 të ditës së sotme. Sipas të dhënave të sizmiologjisë, tërmeti ka qenë relativisht i lehtë me magnitudë 3.2 ballë.
Tërmeti ka rënë në një thellësi prej 30 kilometra nën tokë. Epiqendra ka qenë 50 kilometra larg Tiranës. Nga lëkundjet sizmike nuk ka raportime për dëme materiale. /Gazeta reforma
