Ditët e para të qershorit nisën të freskëta dhe me reshje shiu duke të krijuar idenë se vera nuk do të vinte kurrë.
Por nga mesi i qershorit dhe deri në ditët e fundit temperaturat kanë kapur shifra të çmendura dhe dielli është bërë i padurueshëm.
Megjithatë mos u ankoni pasi korriku do jua vështirësojë edhe më shumë jetën.
“Meteoalb” shkruan se i nxehti afrikan do të pushtojë vendin tonë dhe temperaturat e ajrit do të jenë mbi mesataren e viteve të fundit.
Temperaturat do të shkojnë deri në 38 gradë celsius dhe reshjet e shiut thuajse nuk do të jenë aspak prezente.
Nga e gjithë kjo situatë të vetmit që do të përfitojnë janë ata që pushimet i kanë planifikuar gjatë muajit korrik dhe do i drejtohen detit.
