Një ngjarje tronditëse ka ndodhur në orët e para të mëngjesit të sotëm në Mamurras. 27-vjeçari Indrit Pepa është qëlluar për vdekje sapo ka dalë nga shtëpia në lagjen “Zef Hoti”, rreth orës 4:30 të mëngjesit.
Sipas “Balkanweb” i riu u ekzekutua me breshëri automatiku në derën e shtëpisë së tij. Banorët e zonës të tmerruar nga breshëritë e automatikut janë zgjuar menjëherë dhe kanë njoftuar policinë.
Bëhet e ditur se familja e 27-vjeçarit prej gati 5 vitesh ishte e ngujuar për shkak të problemeve që kishte i riu me një shtetas tjetër.
Policia ka bërë me dije se ka arritur të identifikojë autorin e dyshuar të krimit, shtetasin me inicialet A.M., 49-vjeç, i cili është shpallur në kërkim.
Mësohet se viktima pjesën më të madhe të kohës jetonte jashtë vendit, aq sa banorët e lagjes nuk e njihnin shumë mirë.
Ndërkohë grupi hetimor po vazhdon hetimet për zbardhjen e plotë të ngjarjes.
Burimi: Balkanweb
