Miss Universe Albania 2018, Trejsi Sejdini, është shpërngulur prej disa kohësh në Neë York, ku po ndërton jetën dhe karrierën e saj.
Së fundmi modelja ka dhënë një intervistë për “Më Lër të Flas”, pas shumë kohësh distancë nga mediat. Teksa sqaroi arsyen pse nuk ka dhënë intervista, Trejsi nuk la pa përmendur gafat e saj që janë bërë virale në rrjetet sociale.
“Këtë periudhë jam shumë e fokusuar që të mbaj energjinë time të paprekur nga gjërat rreth e qark meje që më pengojnë për të më ulur moralin, vullnetin. Nuk kam qenë vetëm larg televizionit, kam qenë edhe larg njerëzve. Intervistat që mund të kem bërë më përpara jam bërë shumë pishman që i kam bërë. Çdo personazh që ka dhënë intervistë në moshë të vogël ka lënë disa gafa. Unë kam një gjë shumë të mirë, e shoh gafën time dhe e bëj ‘meme’ vetë në TikTok”- u shpreh Trejsi.
Sa i përket karrierës së saj, Trejsi zbuloi se po realizon “ëndrrën amerikane.”
Momentalisht po realizoj ëndrrën time amerikane. Sapo kam firmosur një kontratë me një agjenci atje,i jam shumë falenderuese Fadil Berishës. Në Shqipëri nuk ka shumë mundësi për t’u angazhuar. Tani sapo kam firmosur”- zbuloi Trejsi.
Nga një intervistë e mëparshme e Trejsit kudo në media u përfol se ajo kishte mbetur pa të ardhura dhe pa të dashur në Amerikë, por si e komenton këtë sot ajo?
“Deri më tani kam pasur vizë turistike në Amerikë dhe kur ka rënë karantina mora një apartament atje, e ndaja me një gjerman. Unë kam thënë ndaj shtëpinë me një tjetër se apartamentet në Manhattan kushtojnë, shqiptari normalisht thotë kam ngelur pa të dashur dhe pa lek. Pa lek mirë që na lanë, po na bënë dhe pa të dashur”- tha modelja.
E lodhur nga skandalet dhe vëmendja e madhe mediatike, Trejsi vendosi të largohej disa muaj më parë drejt Shteteve të Bashkuara dhe duket se atje ka gjetur qetësinë që po kërkonte prej kohësh.
Ajo vazhdon të merret me modeling dhe në llogarinë e saj në Instagram nuk mungojnë fotot e shumta profesionale.
