Fustani mahnitës i dasmës së sportistes Serena Williams më në fund është zbuluar në një seri fotografish të realizuara gjatë dhe pas ceremonisë mbrëmjen e së enjtes.
Tenistja i dha fund beqarisë me themeluesin e Reddit Alexis Ohanian, pak javë pasi çifti u bënë prindër për herë të parë.
Fotot e eventit të marra ekskluzivisht nga revista Vogue tregojnë Williams që rrezaton me një fustan të bardhë të Alexander McQueen, që është dizajnuar nga Sarah Burton.
Williams më pas e ndërroi fustanin me një tjetër, jo më pak të bukur, Versace, me pupla. 
Për vallëzimin e parë, ajo zgjodhi një fustan të shkurtër Versace, teksa kërcente nën tingujt e këngës ‘Tale As Old As Time’, që është kolona zanore e filmit vizatimor “E bukura dhe Bisha”.
Ndër personalitetet e njohura që ishin në dasmën në New Orleans ishte edhe Beyonce, Kim Karadashian, Caroline Wozniacki, Kelly Rowland, Ciara dhe Eva Longoria.
Mediat amerikane raportojnë se ishin rreth 200 zyrtarë dhe se i gjithë blloku i qytetit u mbyll për shkak të ngjarjes në Qendrën për Art Bashkëkohor.
Në dasmë gjithashtu thuhet se mori pjesë edhe redaktori i “Vogue”, Ana Vintur, ku për shkak të një marrëveshjeje ekskluzive me revistën, mysafirëve u kërkua që të mos mbanin telefonat celularë me vete.
