Pritjes së gjatë i ka ardhur fundi. Një nga formatet më të ndjekura dhe më të komentuar nga publiku shqiptar, “Ferma VIP”, do të rikthehet shumë shpejt në ekran me një sezon të ri.
Lajmi është konfirmuar nga faqja zyrtare e formatit në Instagram, e cila ka publikuar një video të shkurtër promovuese, duke zbuluar edhe datën e shumëpritur të nisjes së spektaklit. Sipas njoftimit, edicioni i ri i “Ferma VIP” do të startojë më 27 mars, duke sjellë sërish në qendër të vëmendjes një eksperiencë krejtësisht ndryshe për personazhet e njohur.
Ambienti rural, natyra dhe sfidat e jetës në fshat duken se do të jenë sërish në fokus, ndërsa produksioni ngre pyetjen që tashmë ka ndezur kuriozitetin e publikut: kush do të arrijë të rezistojë deri në fund të kësaj gare?
Formati i njohur i vendos personazhet e famshëm përballë një realiteti krejt ndryshe nga ai që janë mësuar. VIP-at duhet të lënë pas jetën e luksit, komoditetin e përditshëm dhe ritmin e showbizit për t’u përballur me punët e fermës, jetesën në natyrë dhe sfidat e izolimit.
Mbetet për t’u parë se cilët emra të njohur të showbizit shqiptar do të guxojnë të heqin petkun e VIP-it për të veshur çizmet e punës, duke u bërë pjesë e kësaj aventure unike televizive, nën drejtimin e Arbana Osmanit, e cila rikthehet sërish në krye të këtij formati.
View this post on Instagram
