Pas muajsh spekulimesh për një romancë mes Rizarta Hoxhës dhe Arbër Çepanit, një deklaratë e fundit e ish-banores së “Big Brother VIP” ka rikthyer në vëmendje marrëdhënien e përfolur mes tyre.
Rizarta ka zhvilluar një bashkëbisedim me ndjekësit në Instagram, ku një prej tyre e ka pyetur drejtpërdrejt për jetën sentimentale.
Lexo edhe :
“Currently single & not dating” (Aktualisht beqare dhe nuk po frekuentoj askënd), është përgjigjur ajo, duke bërë të qartë se për momentin nuk ka një partner.
Deklarata vjen rreth dy muaj e gjysmë pasi emri i saj u lidh me atë të Arbër Çepanit, fituesit të edicionit të parë të “Big Brother VIP”.
Në fund të gushtit, gazetari Elton Tozaj publikoi një fotografi ku pretendohej se shfaqeshin Rizarta dhe Arbri duke udhëtuar së bashku, me valixhe, në një aeroport. Pamjet ndezën menjëherë dyshimet për një lidhje dashurie, ndërsa në rrjet qarkulluan edhe aludime për pushime të përbashkëta në Spanjë.
Në atë kohë, IconStyle raportoi për romancën e mundshme, e cila tërhoqi vëmendje edhe për shkak të diferencës rreth 15-vjeçare në moshë mes tyre.
Megjithatë, fotografia nuk i tregonte qartë fytyrat e personave dhe as Rizarta, as Arbri nuk e konfirmuan publikisht se ishin në një marrëdhënie.
Tashmë, përgjigjja e Rizartës se është beqare ngre pikëpyetje të reja mbi atë që mund të ketë ndodhur mes tyre.
A ka marrë fund një romancë e mbajtur larg syrit të publikut, apo dyshimet e verës nuk kanë qenë kurrë të vërteta?
Për momentin, Rizarta nuk ka dhënë shpjegime të tjera dhe nuk e ka përmendur Arbër Çepanin në deklaratën e saj.
Një gjë është e qartë: Rizarta Hoxha konfirmon se aktualisht është single, ndërsa historia e përfolur me Arbër Çepanin mbetet pa një konfirmim publik nga asnjëra palë.
