Një 13-vjeçar në Londër është bërë viktima më e re nga virusi vdekjeprurës Covid-19.
Pasi kishte shfaqur simptoma si kollë, ethe dhe vështirësi në frymëmarrje, djaloshi kishte kryer testin i cili kishte rezultuar pozitiv.
Ismail Mohamed Abdulwahab u shtrua në spitalin “King’s College” në Londër, ku mori mjekimin e nevojshëm mirëpo s’mundi ta përballonte dot virusin.
Ai u fut në gjendje kome të induktuar, ndërsa mëngjesin e sotëm vdiq i vetëm në spital.
Bëhet e ditur se 13-vjeçari nuk vuante nga sëmundje të tjera.
Kohët e fundit, Ismail kishte humbur edhe të atin për shkak të kancerit ndërsa familja e djalit s’ka pranuar të ndajë asnjë foto të tijën me mediat.
