Një ngjarje e rëndë ka goditur Brazilin pasditen e djeshme, ku një avion me 62 pasagjerë ra në mënyrë tragjike në tokë.
Emerson Massera, një zyrtar i policisë ka thënë për mediat se nga kjo tragjedi nuk ka asnjë të mbijetuar.
“Është një skenë shumë e trishtuar. Puna jonë tani është e përqendruar në pastrimin e zonës në mënyrë që të vijojë hetimi dhe identifikimi i trupave”, tha ai.
Avioni ATR-72 i operuar nga linja ajrore Voepass Linhas Aéreas ishte duke u nisur nga Cascavel, në shtetin e Parana, për në Guarulhos, në Sao Paulo, kur u rrëzua në një lagje banimi rreth 76 km larg kryeqytetit të shtetit.
Voepass tha se 58 pasagjerë dhe katër anëtarë të ekuipazhit ishin në bord.
