Pas Italisë dhe Spanjës, situata e Covid-19 po bëhet tragjike edhe në vende të tjera si Francë apo Mbretëri e Bashkuar.
Gjatë 24 orëve të fundit, Franca ka shënuar shifrën më të lartë deri tani të jetëve të humbura për shkak të koronavirusit.
Është regjistruar një shifër rekord viktimash, pasi kanë humbur jetën 1,120 persona dhe tashmë numri total i viktimave shkon në 6,507.
Gjithashtu, brenda 24 orëve të fundit janë konfirmuar 5,233 raste të reja të infektuara, duke e çuar numrin total të tyre në 64,338 persona.
Kështu, Franca është vendi i katërt më i prekur në Europë nga koronavirusi.
Në rang botëror, deri tani numërohen 58,279 jetë të humbura si dhe 1,087,263 raste të prekura me Covid-19.
