Një tjetër humbje jete është shënuar nga COVID-19.
Burime për Abc News bëjnë me dije se ka humbur jetën ish drejtori i AKU-së së Vlorës, Syrja Binaj 55 vjeç.
55-vjeçari ndodhej i shtruar në spitalin Covid 2, ku po merrte dhe ndihmën mjekësore por fatkeqësisht nuk ka mundur të mposhtë virusin.
Deri më tani numri i viktimave nga Covid në vendin tonë ka arritur në 235 dhe numri i përgjithshëm i të infektuarve 7812 persona mes të cilëve vijojnë të jenë aktivë me koronavirus 3650 raste.
Gjatë 24 orëve të fundit në vendin tonë janë kryer 864 testime për vlerësimin e infektimit nga virusi SARS COV2, dhe 158 persona janë konfirmuar pozitivë me COVID-19.
Shpërndarja gjeografike e rasteve pozitive ditore është si vijon: 81 raste në Tiranë, 10 raste në Shkodër, nga 9 raste në Durrës dhe Vlorë, 6 raste në Korçë, nga 5 raste në Krujë, Fier, Lezhë, Lushnje, Kamëz, 4 raste në Kurbin, 3 raste në Kolonjë, nga 2 raste në Mat dhe Klos, nga 1 rast në Kukës, Kavajë, Berat, Gjirokastër, Sarandë, Tepelenë, Përrenjas.
Në 24 orët e fundit janë shëruar 57 qytetarë, duke e çuar numrin e të shëruarve në 3928 , që nga fillimi i epidemisë.
