Ekspozita “Tirana 100 vjet kryeqytet” e hapur në qendër të Tiranës dëshmon gjithë transformimet që ka pësuar qyteti në 1 shekull. Fotot bardh e zi të realizuara nga viti 1920 deri në 2020-tën prezantohen përpara publikut në sheshin “Skënderbej”.
Në çdo foto prezantohen gjithë gjurmët e qytetit në zonat më të rëndësishme të tij duke nisur nga Mozaiku i Tiranës, tek pazari, namazgjaja, vilat e vjetra e duke arritur deri në ditët e sotme. Organizatori i ekspozitës dhe drejtori i “Alsar”, Saimir Rusheku, Ka treguar se fotot pasqyrojnë gjithë momentet më të rëndësishme nëpër të cilat ka kaluar Tirana gjatë zhvillimit të saj.
“Është bërë një prezantim për të pasqyruar momentet e rëndësishme, duke nis nga fisnikëria tiranase me themelimin e Strehës Vorfënore nga “Zyber Hallulli”, e tek mikpritja që kreu i parë i Bashkisë së Tiranës Ismail Ndroqi i bëri Kongresit të Lushnjes në Qafën e Kasharit. Më tej bëhet një prezantim i plotë ngritja e institucioneve në Tiranë, duke u shtrirë tek infrastruktura dhe zhvillimi i jetës qytetare”, është shprehur Saimir Rusheku për “Report Tv”.
Pas prezantimit në sheshin “Skënderbej” ekspoizta do të udhëtojë në Prishtinë, Ulqin, Tetovë dhe Shkup.
