Një raport shkencor zbulon dy moshat kur njerëzit janë të lumtur, por mos u shqetësoni nëse jeni diku në mes; pasi ju japim këshilla shëndetësore për të rritur lumturinë në çdo moshë.
Duket se jeta është një ndjekje e vazhdueshme e lumturisë, por kur do ta arrijmë ndonjëherë lumturinë e vërtetë? Sipas një studimi të vitit 2013, mosha që jemi më afër lumturisë është ajo 23-vjeçare dhe pastaj sërish në atë 69-vjeçare. Për fat të mirë, ka disa mënyra shkencore për të rritur mirëqenien tuaj gjatë gjithë asaj kohe në mes këtyre dy moshave.
Sipas studimit, lumturia ndjek një kurbë në formë U-je. Për kërkimin, një ekip nga shkolla e Ekonomiksit në Londër intervistoi 23.000 të rritur gjermanë në mes të moshës 17 dhe 85 vjeç dhe u kërkoi atyre sesa të lumtur ishin me jetën e tyre, si dhe se si ata parashikonin se do të ndiheshin në pesë vjet. Pastaj, pesë vjet më vonë të njëjtit njerëz u pyetën për të raportuar lumturinë e tyre aktuale të jetës.
Këto rezultate mund të jenë të njëanshme nga tendenca e të rinjve për të mbivlerësuar lumturinë e ardhshme dhe tendenca e të moshuarve për të nënvlerësuar lumturinë në të ardhmen.
Megjithatë, nëse ju nuk jeni 23 vjeç as 69 vjeç, ka ende shpresë të arrini një lloj lumturie. Thashethemet janë të vërteta; më shumë seks mund të rrisë lumturinë e përgjithshme, por jo për arsyen që ju mendoni. Për shembull, një studim i publikuar në fillim të këtij viti ka gjetur se nuk ishte akti i seksit, por koha e kaluar duke u ledhatuar dhe e të qenit i dëshiruar, që çon në rritjen e lumturisë në mesin e çifteve seksual aktivë.
Përveç kësaj, këshillë tjetër shëndetësore e thjeshtë për të ndihmuar në rritjen e lumturisë në çdo moshë është të hani mirë. Për shembull, hulumtime tregojnë se konsumimi i më shumë frutave dhe perimeve në fakt mund të rrisë lumturinë e përgjithshme.
Ecja gjithashtu përmirëson mirëqenien dhe ul nivelet e stresit.
Burimi: Medical Daily
