Miqësia e krijuar mes balerinit Ilir Shaqiri dhe këngëtarit Sabiani brenda shtëpisë së “Big Brother Albania” duket se do të vazhdojë gjatë.
Batutat e këngëtarit ku ka deklaruar se Iliri është “100 mijë euroshi im” u bë vierale kudo në rrjet.
Së fundmi Sabiani i ka bërë një surprizë balerinit. Një parashutë që mbante një banderolë ku shkruhej:
“Ti je 100 mijë euroshi im “ ka fluturuar mbi ambientet e shtëpisë së famshme. Iliri e ka pritur i gëzuar këtë surprizë të ëmbël nga miku i tij i besuar. Ndërkohë Sabiani duket se është kujdesur për familjarët e Ilirit jashtë.
Ai fillimisht është takuar me prindërit e balerinit e më pas ka vizituar në Itali gruan dhe vajzën e Shaqirit, premtim që ai ia bëri balerinit gjatë qëndrimit në shtëpi.
Përveç “100 mijë eurosh-it” të famshëm edhe Iliri, i cili mendon se Sabiani ia ka kushtuar atij këngët e tij ka shkaktuar shumë të qeshura në rrjet.
Kujtojmë se gjatë një live show ai e pyeti Sabianin nëse ia ka kushtuar atij këngën ‘unë, ti edhe deti’ dhe Sabiani i tha se të gjitha për të janë dhe të gjithë qeshën.
