E meritojmë të gjitha një person të tillë. Pas një zhgënjimi të madh, mbizotëron tendenca për të qëndruar vetëm për shumë kohë. Një vetmi që shpejt nis e të frikëson, sepse ti dëshiron të duash dhe të të duan marrëzisht.
Derisa një ditë, për më fatlumet, vjen ai person që shpërthen portën e zemrës tënde dhe të detyron ta lësh të hyjë brenda saj.
Kush të dashuron me të vërtetë ngul këmbë, insiston. Kjo është e vërteta. Nuk të braktis me justifikime banale. Nuk të thotë: “Ti je shumë për mua”, e pastaj largohet.
Nuk të lë as kur ja kërkon. Thotë “unë do të qëndroj” dhe të kap për dore, edhe kur ti ndoshta dëshiron të qëndrosh vetëm.
Përpiqet të kuptojë se çfarë të tremb dhe përpiqet ta zgjidhë sëbashku me ty.
Një person që insiston është një person që dashuron me të vërtetë, që meriton me të vërtetë të jejë pjesë e jetës tënde. Që nuk qëndron vetëm për të zbuluar pikat e tua të dobëta dhe pikërisht aty të të sulmojë.
Përkundrazi sheh dobësitë e tua dhe të ndihmon t’i tejkalosh…Ai person insiston, sepse pas asaj maske që ke vendosur arrin të të shohë ty dhe të pranon siç je.
Të pranon kur ke nevojë të qëndrosh vetëm, kur ke momentet e tua të frikës dhe tenton ta largosh, kur je skeptike dhe e pyet shpesh nëse të dashuron.
Një person që ngul këmbë e bën se është krah teje vendi ku duhet të jetë. E bën, sepse vetëm pranë teje është i lumtur.
Kur në të kaluarën ke vuajtur për një histori të përfunduar keq, të rinisësh të besosh është e vështirë.
Është e vështirë sepse përreth sheh veç me dyshim dhe mbyllesh në vetvete, në mënyrë që askush të mos të të lëndojë.
Është një mekanizëm natyral…Një mekanizëm vetëmbrojtës, por që është thikë me dy presa.
Rrezikojmë të humbasim dikë që mund të ishte shumë i rëndësishëm, dikë që në një moment të caktuar të jetës së tij ishte si ty: Kishte frikë…!
Pastaj ekzistojnë edhe ata persona që në fillim insistojnë, por sapo shohin që lëshohesh, të braktisin.
Janë persona që duan të kapin “prenë” e tyre vetëm për ego personale, që kanë qëllime të dyfishta.
Si të kuptoni që ka qëllime fisnike? E ndjeni. Kur një person është aty për ty, vetëm për ty dhe për asnjë motiv tjetër e ndjen.
Burimi: Donne.co
