Ka një vend ku mund t’i takoni personazhet e njohur publikë, të bisedoni me ta dhe të merrni mendim prej tyre për “shopping”. Dhe ka çdo vit në këtë periudhë një event që të mirëpret pa ftesë, që të të shijosh ndonjë pije me muzikën në sfond dhe të mësosh për trendet e fundit.
Kush më mirë sesa blogeret e modës apo ato që kanë sjellë modën në skenë mund t’ju këshillojnë nëse kërkoni ndonjë ide për aksesorët më në trend të sezonit.
Këtë të enjte nuk ju nevojitet ftesë, pasi eventi i fundvitit i “Swarovski”-t do të organizohet pikërisht për ju!
“Swarovski” në Shqipëri organizon “Christmas Pop Event” dhe fton që të bëhen pjesë e tij të gjithë adhuruesit e bizhuterive, ata që ndjekin trendet e fundit apo që janë kuriozë të hyjnë në botën e markës zvicerane të orëve.
I ndodhur në Qendrën Metropol, Rr. Sami Frashëri, eventi “Swarovski”-t është menduar në këtë mënyrë: muzikë, banket të hapur, biseda me personazhet e njohur dhe surpriza.
Kjo është një mënyrë e mirë për të kaluar pasditen e së enjtes (14 dhjetor) dhe për t’u njohur me koleksionet më të fundit, aksesorët e të cilit i përshtaten çdo personi.
Një ditë ku mund të kënaqni veten me diçka speciale ose mund të gjeni dhuratën ideale për personat tuaj të dashur, ndërsa shijoni koktej me miqtë tuaj.
Kodi i veshjes është “casual”, mjafton të visheni si ndiheni ju më komode.
Personazhet publikë që do të bëhen pjesë e eventit bashkë me ju vijnë nga fusha të ndryshme.
Të gjithë e njihni tashmë blogeren e modës, Estela Ujkën. Ajo do të jetë e gatshme që t’u përgjigjet për këshillat e stilit që mund të kërkoni prej saj, si dhe t’iu ndihmojë që të zgjidhni bizhuterinë që i përshtatet më mirë tipit tuaj apo dhuratën e fundvitit.
Bashkë me ftesën e personalizuar, blogeres iu dhuruan edhe një palë vathë që i shkonin përshtat stilit të saj të të veshurit.
Po ashtu stilisti i shumë personazheve të njohur shqiptarë, Niko Komani, do të ndodhet aty për të shijuar një pije me ju dhe për t’i dhënë truke për dhuratën e duhur, meshkujve apo femrave.
Këngëtarja Orinda Huta do t’i bashkohet festës së 14 dhjetorit dhe këtë të gjithë e kuptuan me postimin e saj në “Insta Story”.
Gjithashtu edhe moderatoren Anjeza Maja do ta gjeni në eventin e “Swarovski”-t. Ndërsa mori ftesën, ajo publikoi në “Insta Story” dhuratën e rezervuar për të, një varëse me kristalet “Swarovski”.
Por në listën e gjatë të të ftuarve ndër të tjerët janë edhe Roza Lati, Elhaida Dani, Juliana Pasha, Ronela Hajati, Xhensila Myrtezaj, Erisa Kaçupi, Olta Boka, Fiori Dardha, Eni Çobani, etj.
I ftuari i radhës tani je ti! Eja të shijosh “shopping” krah personave që të kanë dhënë kënaqësi me stilin dhe talentin e tyre.
