Nëse nuk e keni vënë re, pamja natyrale, në veshje apo make up, është kryefjala në botën e modës. Revista “Byrdie” është fokusuar tek bukuria franceze, e cila për vite me rradhë i ka qëndruar besnike thjeshtësisë dhe elegancës. Por nëse ekziston diçka që të gjitha vajzat franceze janë njësoj, është kujdesi ndaj flokëve. Ndaj më poshtë ju rendismin pesë veprimet që gratë franceze nuk bëjnë kurrë në lidhje me flokët.
Nuk lyejnë kurrë flokët
Gratë franceze preferojnë të mbajnë ngjyrën natyrale sa më gjatë të jetë e mundur deri në momentin që iu duhet të mbulojnë thinjat. Nga ana tjetër, nuk preferojnë eksperimentet, i qëndrojnë besnike ngjyrës së flokëve që nëna natyrë ka zgjedhur për të.
Nuk i thajnë flokët me tharëse
Ajër i pastër në verë dhe peshqiri në dimër! Këto janë dy mënyrat kryesore që gratë franceze përdorin për të tharë flokët. Shmangin sa më shumë tharësen, sepse sipas tyre shkatërron bukurinë e flokut.
Nuk i lajnë flokët çdo ditë
Nuk ia vlen t’i lash flokët çdo ditë! Zgjidhja që kanë gjetur gratë franceze është flokët bisht, apo në formën e topuzit dhe shpëtuan nga tortura e shampove.
Nuk largohen asnjëherë nga shtëpia me flokët e lagur
Fillimisht nuk është e bukur të shohësh një vajzë në rrugë që i kullojnë flokët, ndaj femrat franceze zgjedhin t’i lajnë flokët në darkë dhe t’i dedikojnë kujdesin e nevojshëm. Gjithashtu, gjatë natës flokët marrin formën që doni dhe ktheheni në një parisiene të vërtetë.
Nuk ankohen asnjëherë për nxehtësinë
Ato ndihen të bekuara kur gjatë verës, pak ujë deti dhe pak diell, i shndërrojnë flokët thjesht perfekte. Shumë volum, shumë shkëlqim dhe të shëndetshme.
