Ndahet nga jeta Hugh Hefner, personi i cili themeloi revistën “Playboy” dhe u bë sinonim i fitimit të parave ndaj seksualitetit dhe përkrahjes së idealeve liberale progresive, si të të drejtave civile dhe lirisë seksuale. Ai ishte 91 vjeç.
“Hugh M. Hefner, ikona amerikane që në vitin 1953 prezantoi botën, me revistën “Playboy” dhe e ndërtoi kompaninë, si një nga markat më të njohura amerikane në histori, u nda nga jeta në mënyrë të qetë, për shkaqe natyrore në shtëpinë e tij, The Playboy Mansion, rrethuar nga njerëzit e tij të dashur”, konfirmoi “Playboy” në një deklaratë për mediat.
“Forca e madhe e civilizimit në botë nuk është feja, është seksi”, do të shkruante Hefner në deklaratën e tij për revistën “Playboy”, e cila u publikua për herë të parë me imazhet nudo të Marilyn Monroe në vitin 1953. Revista përfshiu në intervista ndër figurat e njohura si, Bertrand Russell, Jean-Paul Sartre dhe Malcolm X.
Miliarderi do të pushojë krah Marilyn Monroe në varrezat e Westeood Village në Los Angeles. Hefner e ka dashur aq shumë atë vend, sa ka paguar 75 mijë dollarë për ta bërë tijin.
Ai ishte i njohur për përdorimin e “Viagra”-ve në mënyrë që ta mbante jetën e tij seksuale shumë aktive. Pilulat, të cilat studimet zbuluan se ishin të lidhura me humbjen e dëgjimit të papritur, mesa duket e lanë pothuajse plotësisht të shurdhër. Ish-të dashurat e tij zbuluan se ai mbante aparate dëgjimi dhe ishte plotësisht i shurdhër në njërin vesh.
“Duhet të uleshim dhe t’i flisnim në vesh në mënyrë që të na kuptonte. Mund t’i uleshim pranë dhe ai prap nuk e kuptonte se çfarë ishim duke i thënë”, tha ish-e dashura e tij Karissa.
Por duket se kjo nuk e pendoi aspak Hefner,: “Ai preferonte që më mirë të bënte marrëdhënie seksuale sesa të dëgjonte.”
Revista dhe themeluesi i saj shpejt u bënë të njohur, për më shumë sesa thjesht prirjet e tyre ndaj biondeve, por dhe si avokatë të fjalës së lirë, të drejtat civile dhe lirisë seksuale. Hefner fitoi çmime për mbështetjen e lirive civile.
“Babai im kishte një jetë të jashtëzakonshme dhe kishte efekt te njerëzit si një pionier kulturor, ishte zëri kryesor pas disa prej lëvizjeve më të rëndësishme sociale dhe kulturore të kohës sonë”, tha Cooper Hefner, drejtori kreativ i “Playboy Enterprises” dhe djali i Hugh.”Ai përcaktoi një stil jetese dhe etikë që qëndrojnë në zemër të markës “Playboy”, një nga më të njohurat dhe më të qëndrueshmet në histori”.
Rezidenca e tij “Playboy Mansion” me një hapësirë mbi 2000 m2, u bë një nga më të njohurat në botë për shfaqjet dhe të dashurat e shumta. Ajo u shit 100 milionë dollarë në gusht, por marrëveshja përfshinte edhe kushtin, që Hefner mund të vazhdonte të jetonte atje për pjesën tjetër të jetës.
Burimi: Vogue
