“Big Brother VIP Albania” është rikthyer në një nga programet më të ndjekura në Shqipëri, duke u bërë pjesë e ekranit dhe bisedave të të gjithë shqiptarëve.
Me shikueshmërinë e lartë dhe me vëmendjen e paparashikuar që programi ka marrë, padyshim që janë të pashmangshme dyshimet dhe aludimet për vërtetësinë dhe transparencën e tij.
Së fundmi, lartë e poshtë, po qarkullon një lajm se fituesi i “Big Brother VIP Albania” është përcaktuar që para nisjes së emisionit.
Ky thashethem ka nisur me postimin e një screenshot-i në llogarinë e “Instagram”-it të personazhit të njohur të rrjeteve sociale Andrea.
Në “Instastory”-n e Andreas, është publikuar një mesazh i një nga ndjekësve të tij. Aty thuhet se fituesi i programit të famshëm do të shkojë në Vlorë dhe kjo gjë, sipas tij, është vërtetuar nëpëmjet prenotimit të një agjencie fluturimesh me helikopter.
Rrjedhimisht, thuhet se kjo gjë nënkupton fitoren e Donaldit.
“Është kërkuar dikujt që ka agjenci fluturimesh një helikopter për në datë 18 për ta çuar në Vlorë fituesin e BB VIP dhe dyshimet të çojnë që plani dhe skenari i saj nxjerr fitues Donaldin.”- shkruhet ndër të tjera në mesazh.
Megjithatë, riktheksojmë se nuk është e konfirmuar vërtetësia e këtij konstatimi.
