Ish-konkurrentja e edicionit të fundit të “Big Brother Albania”, Xheni Mhillaj, ka festuar ditën e djeshme 24-vjetorin e saj të lindjes.
Miqtë e fansat që e kanë uruar kanë qenë të shumtë, ndërsa Xheni i ndau të gjitha urimet në Instastory.
Gjithashtu, ish-banorja tregoi surprizën e madhe që i dashuri i saj i ri i bëri këtë 24-vjetor.
Ai i kishte përgatitur një darkë shumë romantike me drita e qirinj dhe përveç arushit me trëndafila të kuq, i ka dhuruar edhe një unazë me gur diamanti.
E lumtur nga kjo surprizë, Xheni e ndau me të gjithë ndjekësit në Instagram lajmin e bukur, duke treguar se kishte thënë “Po”.
“Të dua! Ditëlindja ime. Po”- ishin fjalët e Xhenit shkruar krahas fotos ku kishte treguar unazën në gisht, ndërkohë që dorën ia mbante i dashuri.
Ende nuk dihet identiteti i mashkullit që i ka vjedhur zemrën ish-banores, megjithatë ajo ka folur edhe më herët për të, duke konfirmuar se është në një lidhje dhe mashkulli në fjalë është shqiptar.
