Të shumta janë rastet kur Presidenti i Shteteve të Bashkuara, Donald Trump, ka bërë gabime të shumta gjatë fjalimeve të tij, të cilat më pas kanë bërë xhiron e rrjetit.
I tillë ishte rasti i fundit, që ka shkrirë së qeshuri botën mbarë.
Ai mbajti një konferencë për shtyp në Shtëpinë e Bardhë në lidhje me rrezikun e cigareve elektronike.
Teksa merrte një shembull personal, duke iu referuar djalit të tij dhe Melania-s, ai e quajti “djali i saj”, duke e rregulluar më pas këtë gabim.
“Cigaret elektronike janë një biznes i madh mesa kuptoj, një biznes i jashtëzakonshëm në një periudhë të shkurtër kohore. Por s’mund t’i lejojmë njerëzit të sëmuren dhe s’mund të lejojmë rininë të ndikohet kaq shumë. Kështu u përfshi edhe Zonja e Parë, e cila ka një djalë… Bashkë… “- u shpreh Presidenti.
Kaq ka mjaftuar që video të bëjë xhiron e rrjetit dhe të gjithë po flasin tashmë për ‘gafën’ e Trump.