Cila është gjëja e parë që ju vjen në mendje kur mendoni për një person veçanërisht inteligjent? Ndoshta imazhi i Ajnshtajnit duke zgjidhur ekuacionet. Megjithatë, ka shumë sjellje dhe karakteristika të tjera që janë lidhur, sipas kërkimeve shkencore, me inteligjencën mbi mesataren.
1. Çrregullime mendore: Gjeniu matematikor John Nash është ndër shembujt më të spikatur të personaliteteve të famshme që vuanin nga sëmundje mendore – në këtë rast, skizofrenia. Megjithatë, shumë nga mendjet më të ndritura vuajtën nga sëmundje mendore, duke përfshirë Edgar Allan Poe, Jackson Pollock dhe Amy Winehouse.
2. Ankthi: Një tjetër çrregullim mendor, i cili mund të gjendet tek njerëzit shumë funksionalë, lidhet me inteligjencën e lartë, sipas një studimi amerikan (SUNY Downstate Medical Center). Ndoshta sepse aftësia jonë për të imagjinuar skenarë të mundshëm për situata të ndryshme, një aftësi e lidhur me të menduarit abstrakt dhe zgjidhjen e problemeve , na bën më të prirur ndaj ankthit.
3. Marrja e rrezikut: Një studim finlandez arriti në përfundimin se njerëzit që janë më të hapur ndaj sfidave të reja dhe që nuk kanë frikë të marrin rreziqe janë më të zgjuar. Studimi u krye duke përdorur një simulim të drejtimit dhe u vu re se ata që merrnin vendime më të rrezikshme kanë më shumë lëndë të bardhë në tru, e cila lidhet me funksionet njohëse.
4. Një prirje për të sharë: Përdorimi i fjalëve fyese sigurisht nuk është një shenjë e dukshme e inteligjencës, por sipas një studimi të botuar në revistën Language Studies, mund të jetë. Fjalimi blasfemues shoqërohet me një fjalor më të pasur, i cili nga ana tjetër mund të shoqërohet me inteligjencë më të madhe, siç përpiqen të shpjegojnë ekspertët (pa na bindur plotësisht).
5. Përtacia: Më në fund, ja një justifikim i mirë që mund t’i tregoni punëdhënësit tuaj. Një studim nga Florida Gulf Coast University arriti në përfundimin se njerëzit më inteligjentë janë gjithashtu më të prirur ndaj dembelizmit. Ndoshta sepse humbasin shpejt interesin për aktivitetet që nuk (vazhdojnë) t’i stimulojnë intelektualisht.
6. Janë femija i parë në familje: Studime të ndryshme kanë treguar se fëmijët e parë në familje kanë një IQ më të lartë, ndoshta sepse prindërit i kushtojnë më shumë kohë dhe vëmendje, ndërkohë që kanë kërkesa më të larta ndaj tyre për sa i përket performancës në shkollë.
7. Ata i duan macet: Dashamirësit e maceve në të gjithë botën tani janë të shfajësuar. Nga Ernest Hemingway te zonja mace e çmendur e lagjes sonë. Studiuesit në Universitetin Carroll, pasi vëzhguan 600 studentë, zbuluan se ata që i duan macet shënojnë më shumë pikë ndrnë testet e inteligjencës.
8. Ata nuk janë fetarë: Një rishikim i 35 studimeve shkencore arriti në përfundimin se njerëzit jofetarë kanë mesatarisht një IQ më të lartë se ata që janë fetarë.
