Në orët e vona të së premtes Kalifornia është përfshirë nga një tërmet, i cili ka shkaktuar shumë probleme.
Tërmeti me magnitutë 7.1 ka pasur si epiqendër Kaliforninë Jugore, megjithatë thuajse i gjithë vendi është tronditur.
Mediat e huaja shkruajnë se ky është tërmeti më i madh që ka goditur këtë shtet të SHBA këto 20 vitet e fundit.
Disa shtëpi janë përfshirë nga flakët si pasojë e tërmetit, ndërkohë që raportohet për rrugë të shkatërrura dhe dëme të shumta materiale. Fatmirësisht deri më tani nuk raportohet për viktima.
Prej disa ditësh Kalifornia është duke kaluar një situatë të vështirë, pasi tërmetet kanë qenë të njëpasnjëshëm.
Ditën e enjte vendi u godit edhe nga një tërmet me magnitutë 6.4.
Këto lëkundje kanë shkaktuar panik tek qytetarët, të cilët tregojnë se ndihen të pasigurtë dhe dëshirojnë të largohen menjëherë.
