Një tërmet i fuqishëm ka goditur jugun e Meksikë-s të premten, duke shkaktuar panik dhe frikë te miliona qytetarë, vetëm pak orë pas përfundimit të festimeve të Vitit të Ri. Lëkundjet u ndjenë gjerësisht edhe në kryeqytet dhe çuan në ndërprerjen e përkohshme të konferencës së përditshme për shtyp të presidentes Claudia Sheinbaum.
Sipas të dhënave zyrtare të Shërbimit Gjeologjik të Shteteve të Bashkuara (USGS), tërmeti kishte magnitudë 6.5 dhe epiqendra e tij ndodhej pranë bregdetit të Paqësorit, në shtetin Guerrero, në një thellësi prej rreth 35 kilometrash. Për shkak të thellësisë dhe intensitetit, lëkundjet u ndjenë në disa zona të vendit.
Në momentin e tërmetit, presidentja Sheinbaum ndodhej në Mexico City, ku alarmet sizmike u aktivizuan menjëherë. Ajo dhe stafi i saj u evakuuan me qetësi nga salla e konferencës, së bashku me gazetarët e pranishëm, ndërsa transmetimi u ndërpre për disa minuta. Konferenca për shtyp rifilloi pak më vonë, pasi autoritetet konfirmuan se situata ishte nën kontroll.
🚨🌎 “Con calma, por favor” Así fue como la presidenta Claudia Sheinbaum percibió el sismo durante la mañanera y pidió desalojar sin pánico a los asistentes 🏃♂️🧘♀️ #Sismo #CDMX #AlertaSismica pic.twitter.com/RYF92NMmxu
— POSTA CDMX (@POSTACDMX) January 2, 2026
Autoritetet lokale, si edhe vetë presidentja, bënë të ditur se nuk ka raportime të menjëhershme për viktima apo dëme të mëdha materiale, veçanërisht në Guerrero, ku ishte edhe epiqendra e tërmetit.
