Vetëm pak ditë nga nisja e këtij viti, teoritë konspirative sugjerojnë se bota do të shkatërrohet. Fundi i botës mund të vijë në tetor të këtij viti, kur një planet gjigand misterioz përplaset me Tokën, sipas një teorie konspirative.
David Meade, autor i librit “’Planet X – The 2017 Arrival”, beson se një yll, që e quan “një binjake binare me Diellin tonë”, do të vijë tek ne në drejtim të Polit Jugor.
Ai thotë se ylli do të sjellë me vete shtatë trupat që rrotullohen në orbitën e tij, mes tyre edhe “Nibiru”, një planet i madh ngjyrë blu, njohur ndryshe si “Planeti X”, që do të përplaset me Tokën.
Sipas teoricienëve, ky planet ka bërë të njëjtën lëvizje qindra vite më parë, duke ndërprerë kështu orbitat e planetëve të tjerë. David Meade beson se ky planet do të godasë Tokën në tetor të këtij viti, megjithëse ende nuk ka asnjë provë.
Ai thotë se ky yll që do të vijë drejt nesh është i vështirë për t’u dalluar, kjo nga këndi me të cilin po afrohet. Shumë persona që kanë lexuar librin mendojnë se nuk është e vërtetë, pasi David jo vetëm që nuk zotëron prova të mjaftueshme, por në librin e tij i ka dhënë dhe një shpjegim fetar fundit të botës.
Nga ana tjetër sipërmarrësi Robert Vicino mendon se diçka e tillë mund të jetë e vërtetë, madje shtoi se “elitat” mund të jenë duke u përgatitur për këtë fund. Në një prononcim për “DailyStar” ai tha: “Duhet të pyesim veten, pse Rusia ka ndërtuar bunkerë nëntokësorë për 40 milion njerëz? Nuk ka dyshim që do të vijë. Do të jetë epike”.
Vicino zotëron një kompani që ndërton bunkerë nëntokësorë, për të ‘mbrojtur njerëzit nga çdo ngjarje e mundshme që mund të sjellë zhdukjen e jetës në tokë’.
Shkencëtarët e tjerë nuk besojnë se diçka e tillë si Nibiru ekziston.
“Është një mashtrim internet. Nuk ekziston”, është shprehur NASA më parë rreth kësaj teme. Nibiru është planeti që supozohej të shkatërronte planetin tonë në dhjetor të 2015-s dhe përpara asaj në shtator. Madje ishte parashikuar që do të përplasej me planetin Tokë në 2012-n sipas apokalipsit Maja dhe po ashtu në vitin 2003. Ende nuk ka ndodhur asgjë, ndërsa ne jetojmë duke shpresuar që mos të ndodhë!
Burimi: Daily Mail
