Reperi nga Kosova, Kastriot Rexha, i njohur me emrin e artit si Majk, është pushtuar virtualisht nga hakerat.
Ata janë munduar t’i vjedhin të dhënat personale dhe të postojnë foto apo statuse në emër të tij në profilin e “Instagramit”. I gjendur në këtë situatë të sikletshme, reperi i njohur i labelit Babastars, pas disa orësh përpjekjeje, ia ka dalë t’i rikthejë të dhënat personale në profilin e tij.
Ai ka postuar edhe një deklaratë në “Instagram”, ku kërkon falje për të gjitha postimet që janë bërë në emrin e tij, ndërsa shprehet se ata që e kanë bërë një gjë të tillë, kanë dashur të njollosin emrin e tij.
