Gjendet i pajetë kitaristi i “3 Doors Down”
Postuar ne 22 Gusht 2016,12:53:09
0
0 Ish-kitaristi i grupit të famshëm të viteve 2000, “3 Doors Down”, Matt Roberts, u gjet pajetë nga një overdozë ilaçesh.
TMZ raporton se 38-vjeçari ndodhej në shtetin e Wisconsin për të performuar në një event bamirësie këtë fundjavë. Në mbrëmjen e të shtunës, ai qëndroi në prova deri në orën 1 të mëngjesit dhe më pas u kthye në dhomën e tij të hotelit, e cila lidhej me dhomën e të atit të tij, Darrell.
Ky i fundit u zgjua nga detektivët rreth orës 09:00, të cilët e njoftuan për lajmin e hidhur se Mat kishte vdekur.
Dyshohet se shkak ishte overdoza e ilaçeve, por ende nuk është dhënë versioni përfundimtar nga mjekësia ligjore.
Roberts u largua nga grupi “3 Doors Down” në vitin 2012 për shkaqe shëndetësore.
Burimi: TMZ
Komente në Facebook
Lexo tjetër
Nota 10 për Dua Lipën, artistja ja del të rrëmbejë vëmendjen e Mark Zuckerberg
22 Gusht 2016,12:53:09