*Foto ilustruese
Një ngjarje në familjen Demiri në Fier mund të kishte përfunduar në tragjedi, pasi djali i vuri zjarrin shtëpisë, në të cilën ndodhej nëna dhe dy motrat e tij.
Rreth orës 01:12 të mëngjesit të kësaj të premteje, shtëpia e 69-vjeçares F.Demiri në lagjen “8 shkurti” u pushtua nga flakët.
Ndërhyrja e policisë dhe shërbimeve zjarrfikëse bënë të mundur nxjerrjen e familjarëve jashtë banesës dhe shuarjen e flakëve.
Nga hetimet paraprake rezulton se, shkaktar i incidentit është 45-vjeçari A.Demiri, djali i të moshuarës F.Demiri, i cili pasi i vuri flakën mbylli derën e jashtme dhe po largohej nga banesa. Ai u kap nga shërbimet e policisë pak metra larg shtëpisë.
Bazuar në dëshmitë e familjarëve, rezulton se 45-vjeçari vuan nga probleme të shëndetit mendor.
Sakaq familjarët që ndodheshin në shtëpi, F.Demiri dhe vajzat e saj D.Demiri, 38 vjeçe dhe B.Demiri, 24 vjeçe, të cilat nuk pësuan dëmtime, por vetëm shenja asfiksie, ndodhen në Spitalin e Fierit nën kujdesin e mjekëve.
