Banorët e zonës së “Astirit” në Tiranë kanë dalë sërish në protestë kundër vendimit të qeverisë për shembjen e banesave të tyre.
Mirëpo, protesta është shoqëruar me tensione të shumta dhe duket se pre e tyre ra edhe një kameraman, i cili ishte në krye të detyrës. “Ballkanweb” raporton se mes një drejtuesi të automjetit që kishte mbetur i bllokuar në rrugë dhe një protestuesi kishte nisur një konflikt, sepse kërkonte që të hapej rruga. Gjatë debatit, ata kanë vërë re se kamera po i filmonte dhe në acarim e sipër, njëri prej tyre u fut përmes turmës dhe goditi me grusht kameramanin. Sipas “Ballkanweb”, operatori është dëmtuar në pjesën e syrit, ndërkohë që i është dëmtuar edhe kamera.
