Reperi i njohur Chris Brown mund të përballet me arrestimin nëse kthehet në Britaninë e Madhe. Ylli i muzikës, u akuzua në fillim të këtij viti se kishte thyer një shishe qelqi mbi kokën e një producenti në një klub nate në Londër.
Brown dyshohet se ka goditur një person me shkelma dhe grushte duke e lënë të shtrirë në dysheme. Duke folur për The Sun për incidentin, personi i dhunuar tha: “Ai më goditi mbi kokë dy ose tre herë. Tani është në duart e avokatit tim dhe nuk mund të komentoj më tej”.
Producenti thuhet se kishte nevojë për kujdes mjekësor për shkak të lëndimeve që mori. Thuhet se Chris është i vetëdijshëm për situatën dhe atë që e pret kur të kthehet.
“Chris e di se do të arrestohet nëse kthehet në Mbretërinë e Bashkuar, por ende po bën gjithçka që mundet për ta shmangur atë”, tha një burim.
Chris po ashtu u ndalua në vitin 2010 pasi u dënua për sulm ndaj ish-partneres së tij, Rihannas.
