Shumë femra janë në dilemë se si t’i mbajnë flokët, të shkurtra apo të gjata. Kjo dilemë është më e madhe tashmë që ka nisur edhe trendi i flokëve të shkurtra, por të gjitha femrave iu ka ardhur në ndihmë parukieri i famshëm britanik John Frieda.
Ai ka prezantuar për publikun femëror një teknikë shumë të thjeshtë , të cilën e ka pagëzuar me emrin ‘’5.7 centimetra’’, e cila ka lidhje me këndet dhe formën e fytyrës.
Kjo teknikë shumë e dobishme ju ndihmon të kuptoni nëse janë flokët e gjatë të përshtatshëm për fytyrën tuaj apo duhet t’i shkurtoni.
Ju duhet vetëm një vizore dhe një laps plumbi. Vendosni lapsin horizontalisht nën mjekër, ndërsa vizoren vendoseni poshtë veshit puthitur me faqen në mënyrë vertikale.
Matni distancën prej veshit deri te mjekra. Nëse është më e madhe se 5.75 centimetra ju bëni pjesë në grupin e femrave që është më mirë të kenë flokë të gjatë.
Nëse distanca mes këtyre dy pikave është më e vogël se 5.75 centimetra, duhet t’i merrni në konsideratë flokët e shkurtra. Shumë nga yjet e Hollywood-it, por edhe figura të tjera të njohura i besojnë plotësisht kësaj metode kur bëhet fjalë për gjatësinë e flokëve.
