Javët e fundit bluzat e bardha janë bërë targetgrupi më i prekur nga Covid-19 dhe ndaj tyre ka vërshuar një lumë kritikash për papërgjegjshmëri.
Mirëpo, vetë ata thonë të kundërtën dhe ia delegojnë përgjegjësinë e situatës së krijuar Infektivit dhe Ministrisë së Shëndetësisë. Shoqata e Infermierëve të Shqipërisë ka reaguar ashpër ndaj akuzave duke thënë versionin tjetër e asaj që po ndodh.
Me anë të një postimi në rrjetet sociale, presidenti i Shoqatës së Infermierëce të Shqipërisë Elson Jaçaj, ndër të tjera thotë se ishin pikërisht infermierët që patën kontaktin e parë me pacientët e prekur nga koronavirusi, duke u shërbyer atyre, ata u infektuan të parët nga të gjithë punonjësit e shëndetësisë.
Arsyeja e infektimeve të mëdha ndër bluzat e bardha sipas Jaçajt është mosmarrjes së masave që në fillimet e pandemisë. Ai thotë se infermierët nuk kishin materialet e nevojshme për t’u përballur me Covid-19 dhe nuk kishin as trajnimin e duhur, si të shërbenin dhe njëkohësisht të mbronin veten.
Në statusin e tij thuhet se nuk ka kapacitet të mjaftueshëm për të sëmurët dhe nuk ka higjienë spitalore, si për pacientët ashtu edhe për stafin mjekësor.
https://www.facebook.com/albanianursesassociation/posts/888515154994027
