Një trup është gjetur nga kërkimi për aktoren Naya Rivera, e cila u zhduk në një liqen në Kaliforni gjashtë ditë më parë.
Autoritetet nuk kanë konfirmuar zyrtarisht se trupi është ai i 33-vjeçares, por pritet konfirmimi në orët e ardhshme shkruan “Daily Mail”.
Rivera u zhduk të mërkurën në liqenin Piru, ku kishte shkuar me të birin.
Pamjet tregojnë se Rivera parkoi makinën dhe ndihmoi djalin e saj të dilte, përpara se të vazhdonte të merrte me qira varkën dhe të dilnin në liqen.
Djali i saj Josey u gjet duke fjetur në varkë me jelekun e shpëtimit të veshur, ndërsa atë të nënës së tij ende në bord.
Zhytësit thanë të enjten se ujërat janë të errët dhe plot bimë, duke kufizuar shikueshmërinë e tyre dhe autoritetet paralajmërojnë se trupi i Rivera-s mund të mos gjendet nëse është ‘i ngatërruar në diçka nën ujë’.
Josey ndërkohë është kthyer në familjen e tij dhe është fotografuar dje në krahët e babait të tij, ish-burrit të Rivera-s, Ryan Dorsey, i cili dukej shumë i trishtuar për humbjen e madhe.
