Kanali më i ri televiziv i lajmeve “A2”, i cili ka partneritet ekskluziv me gjigandin “CNN”, po synon të futet fuqishëm në tregun mediatik shqiptar. Tashmë shumë figura të njohura të ekraneve tona i janë bashkuar këtij kanali të ri televiziv.
Së fundmi është mësuar se edhe dy gazetaret e njohur Aulona Minga dhe Denisa Pasholli janë bërë pjesë e këtij televizionit.
Sipas “newsbomb.al” gazetarja Aulona Minga, e cila prej 20 vitesh ishte pjesë e “TVSH”-së ka dhënë dorëheqjen nga ky televizion, për t’i thënë po ofertës tunduese që televizioni i ri “A2” i ka bërë asaj.
Ndërkohë “revistawho.com” ka zbuluar gjithashtu se edhe gazetarja Denisa Pasholli, ikonë e lajmeve në “Top Channel” me një eksperiencë 15 vjeçare në këtë televizion, do të jetë imazhi kryesor i departamentit të lajmeve të “A2 ” dhe producente e lajmeve.
Madje “revistawho.com” ka siguruar edhe foto nga momenti kur Denisa Pasholli së bashku me gazetaren tjetër Anduena Llabani, i janë prezantuar stafit të këtij televizioni.
Kujtojmë që ditën e sotme, burime për “iconstyle.al” zbuluan se dhe gazetarja Marsela Karapanço, pas 7 vitesh punë në ekranin e “News24” u largua për t’iu bashkangjitur televizionit “A2”.
