Ai njihet për modelet e guximshme të flokëve që ka mbajtur ndër vite.
Por David Beckham na la pa fjalë me look-un e tij të fundit, pasi tregoi një model flokësh aq të shkurtër saqë i dukej lëkura e kokës nën to.
Ish-futbollisti, 43 vjeç, shfaqi modelin e ri të flokëve teksa ishte duke pushuar buzë pishinës në Miami, Florida, të enjten.
43-vjeçari ishte në qytet për lançimin e ekipit të tij të ri, Inter Miami, ndërsa tregoi fizikun e tij ende mbresëlënës i veshur vetëm me rroba banje.
Kjo nuk është hera e parë që Beckham shfaqet me flokët e prera shkurt dhe e ka treguar me kohë se i shkojnë.
Por duke marrë parasysh moshën dhe këto foto (që shpresojmë të jetë efekti i diellit), është koha ta pranojmë se superbabai David Beckham po plaket.
