Tërmeti i pamëshirshëm i 26 nëntorit u mori jetën 51 personave, dhe mijëra të tjerë i la në qiell të hapur.
Tashmë situata është drejt normalizimit dhe njerëzit janë akomoduar nëpër çadra ose hotele, megjithatë situata nuk mund të vazhdojë kështu dhe për shumë gjatë.
Prandaj, të shumtë janë ata që u kanë ardhur në ndihmë të prekurve nga tërmeti. Njerëz të thjeshtë, të famshëm e biznesmenë, janë bërë bashkë për këtë kauzë dhe në mënyra nga më të ndryshme po japin kontributin e tyre.
Të njëjtën gjë po bën edhe televizioni grek, “ ERT”, i cili ka nisur një transmetim maratonë.
Prej ditës së djeshme ata po presin në studio telefonata nga njerëz të ndryshëm. Çdo telefonatë vlen 3 euro dhe paratë e mbledhura do të shkojnë në Kishën Ortodokese, aty ku po mblidhen fonde për të prekurit nga tërmeti.
Transmetimi maratonë mbyllet ditën e nesërme.
