George Clooney iu shtua së fundmi listës së “celebrities” si prindër. Aktori më tërheqës i Hollivudit dhe bashkëshortja Amal sollën në jetë pak ditë më parë binjakët Alexander dhe Ella.
Por 56-vjeçari nuk ka qenë gjithmonë dakord për t’u bërë baba. Ja çfarë ka thënë para se t’i ndërrohej mendja George Clooney:
1.“Mendoja se e kisha çuar në mendje, por jo në të vërtetë – nuk ka qenë në listën time, më kanë pyetur shumë kohët e fundit, sepse jam martuar dhe po bëj një film me fëmijë në të. Duhet të shihni sesa kreativë janë nga mënyra që më pyesin”, tha për CBS në maj të 2015-s.
2.“Mendoj se është gjëja më e përgjegjshme që mund të bësh, të kesh fëmijë. Nuk e kam gjenin që njerëzit duhet të riprodhohen. Por gjithçka në jetën time ka ndryshuar me kalimin e kohës”, te “People” në vitin 2006.
3.”Nuk mund ta bëj atë që Brad dhe Angie po bëjnë, nuk do të kisha durimin dhe përkushtimin që duhet të kujdesesh për një familje, admiroj ato cilësi te njerëzit e tjerë, por nuk është për mua. Po bëj atë që dua”, tha ai për “London Evening Standard” në 2008-n.
4.“Gjithmonë e kam ditur që atësina nuk ishte për mua. Rritja e fëmijëve është një angazhim i madh dhe duhet të jetë përparësia jote kryesore. Për mua, prioritet është puna ime, prandaj nuk do të martohem përsëri”, tha George për “Australian Daily Telegraph” në vitin 2011 (Ai u martua me Amal në 2014-n).
Burimi: Harper’s Bazaar
