Të gjithë jemi të dashuruar pas kuzhinës italiane. Pastat, picat, recetat e veçanta që Italia ka na kanë bërë të dashurohemi pas kuzhinës së saj.
Dhe për të gjithë ju që i adhuroi gatimet italiane, kemi një lajm të mirë. Të gatuash “Made in Italy” nuk paska qenë ndonjëherë kaq e lehtë për ne shqiptarët.
Kjo pasi, një prej markave më të mira të enëve të kuzhinës, ka mbërritur në Tiranë, përmes dyqanit “Villeroy & Boch”, që ndodhet në Qendrën Metropol. “Mopita” quhet marka e produkteve të kuzhinës e themeluar në vitin 2013 nga Eugenio Montini.
Enët kanë një cilësi të lartë dhe janë tepër rezistente. Ato janë shumë funksionale dhe sigurisht me çmime të volitshme.
Me strukturë alumini, tiganët e setit “Raggio di Sole”, ju lejojnë të gatuani në kohë rekord dhe duke ruajtur temperaturat e larta. Falë veshjes jo-ngjitëse me cilësi të lartë, është gjithashtu i mundur gatimi pa yndyrë i perimeve, mishrave etj. Tiganët lahen në mënyrë të sigurt në pjatalarëse dhe kursejnë hapësirë duke i hequr dorezën.
Tenxheret “Ambra” kanë një strukturë të fortë. Trashësia e lartë e aluminit dhe pesë shtresat e veshjes prej guri, e bëjnë këtë produkt një mrekulli të vërtetë. Rezistenca ndaj mbështjelljes, gatimi i shkëlqyeshëm dhe funksionaliteti, e kanë bërë setin universalisht të njohur dhe të vlerësuar.
Dërrasat për prerjen e perimeve apo frutave janë një kombinim i përsosur i drurit me metalin, sa i përket anës estetike. Ndërsa për anën funksionale mund të themi se, druri i qëndrueshëm i ullirit, e bën punën tuaj më të lehtë dhe gatimin e përsosur.
Burimi: Iconstyle.al
