Nesër rikthehet ora dimërore. Akrepat e orës do të kthehen 60 minuta prapa, duke u gdhirë dita e diel, 25 tetor.
Pas natës së të shtunës, akrepat do të shkojnë prapa një orë, pra ora 03:00 do të jetë ora 02:00 pas mesnate.
Me ndryshimin e orës, tani do të shijojmë më pak dritë, por të paktën ditët e para të kohës diellore, do të duket si një orë shtesë e gjumit.
Ndryshimi i orës bëhet dy herë në vit, në javën e fundit të tetorit dhe në të dielën e fundit të marsit me qëllim shfrytëzimin sa më mirë të energjisë diellore.
Në mars të vitit 2019, ligjvënësit në Parlamentin Europian votuan me shumicë votash në favor të heqjes së ndryshimit të orës duke filluar nga viti 2021.
Megjithatë, ende nuk dihet nëse kjo do të jetë hera e fundit që do të merret ky vendim.
