Analistja e ndikimit ekonomik pranë IATA (International Air Transport Association), Eni Mima tha në një intervistë për emisionin “Opinion”, se do të duhet të presim të paktën deri në 3 mujorin e fundit të vitit për të parë rritjen e numrit të fluturimeve ndërkombëtare.
Ajo theksoi se industria e fluturimit në mbarë botën është plotësisht e mbyllur, dhe krahasuar me janarin 2020 kanë rënë fluturimet me 82% dhe vetëm 18% janë operative.
Mima u shpreh se ka një humbje 314 miliardë dollarë të kompanive të fluturimit për vitin 2020 dhe është 55% përqind e të ardhurave të 2019-s. Sipas Mimës, rikthimi do të jetë i ngadaltë dhe varet nga tre faktorë:
1-Kur do të hapen kufijtë
2-Kur do të kthehet besimi i qytetarëve
3-Sa i thellë do të jetë recensioni ekonomik në botë
“Janë bërë vlerësime që duke filluar nga korriku do të fillojnë udhëtimet kombëtare dhe shohim që kjo ka nisur në Kinë. Duke filluar nga tremujori i fundit i këtij viti pritet një rritje e fluturimeve ndërkombëtare deri në vlerën e 50%”.
/Opinion.al
