Vetëm pak ditë më parë u soll në mendje kombinimi i kapelës me strehë me rrjetën nga Aurela Hoxha dhe ngjashmëria me stilin e Rihanna-s. Po ndërsa si “show-girl” shqiptar dëshmoi se këtë trend e kishte sjell tre vite më parë, tashmë nuk mund ta mohojë fiksimin e saj pas këngëtares me famë botërore.
Një muaj më parë, gjatë premierës së filmit të saj “Valerian” në Paris, Rihanna veshi një fund dhe reçipeta nga Prada, koleksioni vjeshtë 2017. Duket se dhe Aurela Hoxha u mahnit pas saj, sa vendosi të shikonte se si do t’i rrinte.
Ajo u shfaq me të njëjtën veshje gjatë një eventi të “Dolce & Gabanna” për Javën e Modës në Milano.
Rihanna e kombinoi veshjen me takat me pupla, syzet rozë pastel dhe vëthë të gjatë të shkëlqyeshëm.
Aurela nga ana tjetër, postoi një foto ulur në një poltron të gjelbër. Flokët i mbajti të mbledhur dhe bizhuteritë minimaliste.
Në dallim nga Aurela me sytë “smokey” dhe makijazhin e rëndë, Rihanna zgjodhi një fytyrë të pastër me detaje rozë.
Dhe fansat menjëherë e dalluan se fustani ishte veshur më parë nga Rihanna, pasi nuk nguruan të komentonin në foton e Aurelës.
Burimi: Instagram
