Njerëzit po paralajmërohen të mbajnë telefonat e tyre celularë në një distancë të konsiderueshme për të zvogëluar ekspozimin ndaj rrezatimit dhe rreziqeve të lidhura me shëndetin.
Paralajmërimi nga Departamenti i Shëndetësisë në Kaliforni vjen pas dëshmive në rritje se përdorimi i telefonit celular mund të lidhet me një varg shqetësimesh shëndetësore duke përfshirë kancerin, shëndetin e dobët mendor dhe çështjet riprodhuese.
Ndërsa kërkimet nuk kanë qenë në gjendje të vërtetojnë përfundimisht se përdorimi i telefonit celular është i rrezikshëm, ka studime të mjaftueshme që i lidhin të dyja, për të garantuar kujdes, sidomos në mesin e fëmijëve, raporton “Daily Mail”.
Njoftimi vjen pasi disa qytete, duke përfshirë Berkeley dhe San Francisco, kanë lëshuar paralajmërime lokale që njerëzit duhet të mbajnë një distancë midis telefonave dhe trupave të tyre.
Kjo, për shkak të energjisë së radiofrekuencës (RF) që telefonat celularë përdorin për të transmetuar informacion. Hulumtimi ka sugjeruar se ekspozimi i shpeshtë dhe i afërt me telefonat celularë mund të jetë i mjaftueshëm për të na vënë në rrezik.
Në fakt, prodhuesit e telefonave të mençur si Apple bien dakord dhe madje përfshijnë një njoftim për ‘ekspozimin ndaj RF’.
RF mund të jetë në gjendje të depërtojë në trurin e fëmijëve më lehtë sesa te të rriturit, duke shtuar se ekspozimi mund të jetë gjithashtu më i dëmshëm dhe të ketë efekte të qëndrueshme në zhvillimin e trurit.
Studimet e mëparshme kanë treguar prova se ekspozimi ndaj telefonit celular mund të shkaktojë tumore në tru ose në vesh, ndërsa psikologët kanë paralajmëruar se mund të lidhet gjithashtu me shëndetin e dobët mendor, vëmendjen dhe gjumin në adoleshentë.
Hulumtime të tjera shqetësuese kanë treguar lidhje të forta mes RF dhe dhe cilësinë e spermës.
