Ta mohojnë sa të duan! Kylie dhe Drake janë bashkë dhe këtë e tha miku i tyre

Kylie Jenner është përfolur javët e fundit se ka nisur një lidhje të re dashurie me Drake.

Thashethemet nisën që pas ditëlindjes së reperit, aty ku dyshja shfaqi edhe afrimitetet e para.

Por këto lajme Kylie i quajti të ekzagjeruara dhe shtoi se momentalisht ka dëshirë të përkushtohet vetëm tek karriera dhe vogëlushja Stormi.

Megjithatë Kylie mund t’i mohojë sa të dojë fjalët, por nuk mund të bindë dot njerëzit të mendojnë se lidhja nuk  është e vërtetë.

“Së fundmi Kylie dhe Drake kanë kaluar shumë kohë bashkë. Ata kanë qenë miq për shumë kohë dhe Drake është një person shumë i afërt i familjes Kardashian-Jenner”, kanë thënë burimet për “People”.

Lajmet i konfirmon edhe një mik i përbashkët i tyre, i cili tregon se Kylie dhe Drake janë të lidhur që prej muajit tetor, pra pak javë pasi u konfirmua ndarja e 22-vjeçares me Travis Scott.