Ditën e sotme, modelja e famshme Kendall Jenner ka festuar ditëlindjen e saj.
Kendall ka lindur më 3 nëntor të vitit 1995 dhe ditën e sotme ka mbushur plot 24 vjeç.
Në rrjete sociale s’kanë munguar urimet e shumta nga miqtë e kolegët e modeles, mirëpo urimi më i veçantë i erdhi nga motra e saj, Khloe.
Kjo e fundit ka treguar edhe njëherë se ka një lidhje speciale me Kendall, të cilën e konsideron edhe shoqe të ngushtë.
Khloe ka publikuar disa nga momentet më të bukura me motrën e saj, që prej fëmijërisë e deri më sot, ndërsa krahas fotove i shpreh dashurinë e një motre:
“Është ditëlindja jote zemër. Uroj që çdo njeri të jetë duke kënduar ‘gëzuar ditëlindjen Kendall’. Ti je një nga njerëzit e rrallë më besnikë xhentilë që unë njoh. Që prej ditës kur ke lindur, i ke ndriçuar ditët e mia. Jam shumë e privilegjuar që jam motra jote, por është fat edhe më privilegj i madh fakti që kemi zgjedhur të jemi mikeshat më të mira të njëra-tjetrës. Jam me fat që kam në krah një njeri kaq altruist dhe të dashur. Të respektoj dhe vlerësoj çdo gjë që ti je. Lutem sot që të jesh e rrethuar me dashuri. Që çdo dëshirë që ke të realizohet! Të dua kaq shumë! Sado e çuditshme të duket, ndjej se i dua motrat e mia çdo ditë e më shumë. Gëzuar ditëlindjen Kenny. Festojmë gjithmonë për ty motër.”- janë fjalët e ëmbla të Khloe-s në postim.
