Këtë të dielë, në rubrikën “Ka një mesazh për ty”, erdhi historia prekëse e Eglës, e cila katër vite më parë humbi jetën si pasojë e kancerit në mushkëri.
Dhimbjen e thellë të humbjes së saj e kanë ndjerë si familjarët, ashtu edhe shoqëria e Eglës.
Mikesha e saj e ngushtë, Sara, ka rrëfyer momentet e vështira që ka kaluar shoqja e saj, e cila pavarësisht të gjithave nuk është dorëzuar deri momentin e fundit.
Për më tepër, Sara ka ftuar në studio edhe prindërit e të ndjerës, për t’i dhënë një mesazh të rëndësishëm.
Ajo u ka kërkuar prindërve të Eglës të bëhen të fortë, ashtu siç do të kishte dashur t’i shihte vajza e tyre.
Sara ka treguar se takohet shpesh me ta dhe flasin për gjithçka, por emrin e Eglës kanë “frikë” t’a përmendin.
Për këtë arsye ajo i ka kërkuar prindërve që kujtimet e saj të jenë pjesë e bisedave të tyre.
Sara u ka thënë se merr forcë në çdo sfidë dhe vështirësi kur kujton natyrën e shoqes së ndjerë.
Gjithashtu, ajo u ka dhuruar prindërve të Eglës edhe një libër ku kishte mbledhur të gjitha poezitë, fotot dhe kujtimet për mikeshën, që të mbetet edhe në kujtimin e brezave të mëvonshëm.
Pavarësisht dhimbjes së thellë, prindërit e Eglës u shprehën se ndihen të lumtur teksa shohin shoqen e ngushtë të vajzës së tyre që ecën me sukses përpara falë kurajos që ajo ka lënë pas.
https://www.facebook.com/edielashqiptareofficial/videos/560505454724216/
