Një lajm i bukur po qarkullon për jetën private të Nevina Shtyllës. Moderatorja raportohet se është në pritje të ëmbël, megjithëse deri më tani ajo vetë nuk e ka konfirmuar publikisht lajmin.
Sipas VIP Magazine, që citon burime pranë moderatores, Nevina është shtatzënë dhe ka zgjedhur që këtë periudhë ta mbajë larg vëmendjes mediatike. Detaje të tjera rreth shtatzënisë nuk janë bërë të ditura.
Nevina ka qenë gjithmonë e rezervuar kur bëhet fjalë për jetën sentimentale. Megjithatë, vetëm pak muaj më parë ajo foli për marrëdhënien e saj, duke treguar se partnerin e njeh prej shumë vitesh, që përpara se karriera e saj televizive të merrte dimensionin që ka sot. Moderatorja tregoi gjithashtu se njohja e gjatë mes tyre e ka bërë më të thjeshtë raportin e partnerit të saj me ekspozimin që vjen nga puna e saj në televizion.
Interesant është fakti se vetëm pak kohë më parë Nevina ishte përballur edhe me një pyetje të drejtpërdrejtë për një shtatzëni të mundshme. Gjatë një bisede televizive me Kiara Titon, kur tema shkoi pikërisht te pritja e ëmbël, Nevina ishte përgjigjur: “Jo, jo as unë”, duke mohuar në atë moment se ishte shtatzënë.
Tashmë raportimet kanë rikthyer vëmendjen te jeta private e moderatores. Megjithatë, për momentin lajmi mbetet i pakonfirmuar nga vetë Nevina Shtylla, ndaj mbetet për t’u parë nëse ajo do të zgjedhë të flasë publikisht për të.
