Ndoshta kur të ktheheni pas në fotot e saj të rrjeteve sociale mund të dalloni ndonjë detaj, por askush nuk e dinte deri ditën e premte se, Kate Hudson ishte shtatzënë.
Aktorja është në pritjen e ëmbël të fëmijës së saj të tretë, një vajzë dhe babai është partneri Danny Fujikawa.
38-vjeçarja e dha lajmin e bukur të premten në mediat sociale, ndërsa publikoi një video me të dashurin dhe miqtë.
Aktorja tha se nuk mundej ta fshinte më lajmin, pasi edhe barku ishte rritur. Kate ishte e veshur me një fustan të bardhë ndërsa mbante në duar një tullumbace, përmes të cilit do të zbulonte edhe gjininë e foshnjës.
Kur tullumbacja u plas, prej tij dolën xixa ngjyrë rozë dhe gëzimi i saj ishte i pakufitë.
“Surprizë! Nëse keni pyetur veten pse kam bërë kaq shumë mungesë në mediat sociale, është sepse nuk kam qenë kurrë kaq e sëmurë! Ishte tremujori më i keq që kam kaluar nga të gjithë fëmijët e mi”, e nis postimin Kate.
Ajo ka dy djem, Ryder Robinson, 14 vjeç, me rokerin Chris Robinson dhe djalin Bingham Hawn Bellamy, 6 vjeç, me muzikantin Matt Bellamy.
“Nëse më keni parë në rrugë duke qeshur dhe sikur çdo gjë shkonte në mënyrë perfekte… po gënjeja! Por, tashmë jam për të rizbuluar gëzimet e Instagram/Snapchat. U munduam shumë që të fshihnim shtatzëninë. Është kaq sfiduese të fshihesh dhe është gjëja më raskapitëse. Fëmijët e mi, Danny, unë dhe e gjithë familja jemi shumë të lumtur”, shkroi aktorja.
Burimi: Daily Mail
