Kënga e tyre e parë bashkë i bëri fansat të mendonin se kishte lindur një romancë. Por asgjë përtej miqësisë nuk ka momentalisht mes Dua Lipës dhe Calvin Harris.
Ditë më parë skanimi i një bar kodi të postuar prej tyre në “Twitter”, zbuloi se dy artistët e famshëm po bëheshin gati për një bashkëpunim.
Kënga “One Kiss” është publikuar tashmë në “YouTube”, por nuk ka një video zyrtare, veç versionit me titra.
Nga komentet e shkruara në platformën e muzikës kuptohet se fansat janë shumë të entuziazmuar për këtë bashkëpunim dhe në pritje të një videoje zyrtare.
Ky pritet të jetë hiti i kësaj vere dhe pjesë e saj është një këngëtare shqiptare.
